admin
ਯੂਨੀਅਨ ਪੰਜਾਬ ਪੱਧਰ ਤੇ ਲਵੇਗੀ ਬੀਐਲਓਜ ਦੇ ਹੱਕ ਲਈ ਸਖਤ ਫੈਸਲੇ
ਧਰਮਕੋਟ 14 ਫਰਵਰੀ ( ਦੇਵ ਗਿੱਲ )
ਧਰਮਕੋਟ ਦੇ ਸਮੂਹ ਬੀਐਲਓਜ ਜਿਹੜੇ ਕਿ ਬਹੁਤ ਹੀ ਤਨਦੇਹੀ ਨਾਲ ਪਿਛਲੇ ਸਮੇਂ ਤੋਂ ਐਸ.ਆਈ.ਆਰ ਦੀ ਮੈਪਿੰਗ ਦੇ ਕੰਮ ਕਰ ਰਹੇ ਹਨ। ਐਨਾ ਸ਼ਾਨਦਾਰ ਕੰਮ ਆਪਣੇ ਪਿੱਤਰੀ ਵਿਭਾਗਾਂ ਤੋਂ ਬਿਨਾ ਲੰੰਮੀ ਫਾਰਗੀ ਦੇ ਕਰਨ ਤੇ ਵੀ ਜਬਰੀ ਨੋਟਿਸ ਜਾਰੀ ਕਰਕੇ ਮਾਨਸਿਕ ਤੌਰ ਤੇ ਪਰੇਸ਼ਾਨ ਰੂਪ ਹਲਕਾ ਐਸ.ਡੀ.ਐਮ ਦਫਤਰ ਵੱਲੋਂ ਕੀਤਾ ਜਾ ਰਿਹਾ ਹੈ। ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਬਲਾਕ ਪ੍ਰਧਾਨ ਕੁਲਦੀਪ ਸਿੰਘ ਬੱਡੂਵਾਲ ਤੇ ਪ੍ਰੈਸ ਸੈਕਟਰੀ ਗੁਰਵਿੰਦਰ ਸਿੰਘ ਸ਼ਾਦੀਵਾਲਾ ਨੇ ਦੱਸਿਆ ਕਿ ਹਲਕਾ ਧਰਮਕੋਟ ਅਧੀਨ ਕੰਮ ਕਰਦੇ 206 ਬੀਐਲਓਜ ਨੂੰ ਬਹੁਤ ਹੀ ਘੱਟ ਸਮਾਂ ਕੇਵਲ 7 ਫਰਵਰੀ ਤੱਕ ਮਿਲਿਆ ਹੈ ਜਦੋਂ ਕਿ ਹਲਕਾ ਬਾਘਾਪੁਰਾਣਾ ਨੂੰ 22 ਫਰਵਰੀ ਤੱਕ ਅਤੇ ਨਿਹਾਲ ਸਿੰਘ ਵਾਲਾ ਨੂੰ ਮਿਤੀ 21ਫਰਵਰੀ ਤੇ ਹਲਕਾ ਮੋਗਾ ਦੇ ਸਮੂਹ ਬੀ.ਐਲ.ਓਜ ਨੂੰ 20 ਫਰਵਰੀ ਤੱਕ ਦਾ ਕੰਮ ਕਰਨ ਲਈ ਸਮਾਂ ਦਿੱਤਾ ਜਾ ਰਿਹਾ ਹੈ ।ਇਸ ਘੱਟ ਸਮੇਂ ਵਿੱਚ ਹੀ ਹਲਕਾ ਧਰਮਕੋਟ ਪੰਜਾਬ ਭਰ ਦੇ ਮੋਹਰੀ ਹਲਕਿਆਂ ਵਿੱਚ ਆਇਆ ਹੈ। ਇਹ ਸਭ ਕੁਝ ਕਰਨ ਦੇ ਬਾਵਜੂਦ ਸੰਬਧਿਤ ਅਧਿਕਾਰੀਆਂ ਦਾ ਵਤੀਰਾ ਬੀ.ਐੱਲ.ਓ ਪ੍ਰਤੀ ਧਮਕੀਆਂ ਭਰਿਆ ਅਤੇ ਨਿਰਾਸ਼ਾਜਨਕ ਰਿਹਾ ਹੈ। ਹਲਕਾ ਧਰਮਕੋਟ ਦੇ ਸਮੂਹ ਬੀ.ਐੱਲ.ਓ ਨੂੰ ਜਾਣ ਬੁੱਝ ਕੇ ਤੰਗ ਪਰੇਸ਼ਾਨ ਕੀਤਾ ਜਾ ਰਿਹਾ ਹੈ।ਹਲਕਾ ਧਰਮਕੋਟ ਦੇ ਸਮੂਹ ਬੀ.ਐੱਲ.ਓ ਨੇ ਇਹ ਫੈਸਲਾ ਕੀਤਾ ਹੈ ਕਿ ਸੰਬੰਧਿਤ ਅਧਿਕਾਰੀਆਂ ਵੱਲੋਂ ਧਮਕੀਆਂ ਭਰੇ ਅਤੇ ਨਿਰਾਸ਼ਾਜਨਕ ਵਤੀਰੇ ਕਾਰਨ ਕੋਈ ਵੀ ਬੀ.ਐੱਲ.ਓ ਸੁਖਾਂਲੇ ਮਾਹੌਲ ਚ ਅੱਗੇ ਕੰਮ ਨਹੀਂ ਕਰ ਸਕਦਾ। ਚੋਣ ਦਫਤਰ ਧਰਮਕੋਟ ਦਾ ਅਜਿਾ ਹੀ ਵਤੀਰਾ ਸਾਡੇ ਪ੍ਰਤੀ ਰਿਹਾ ਤਾ ਧਰਮਕੋਟ ਹਲਕੇ ਦੇ ਸਮੂਹ 206 ਮੁਲਾਜਮਾ ਨੂੰ ਬੀ.ਐੱਲ.ਓ ਡਿਉਟੀ ਤੋੰ ਆਪਣਾ ਸਮੂਹਿਕ ਅਸਤੀਫਾ ਮਾਣਯੋਗ ਇਲੈਕਸ਼ਨ ਕਮਿਸ਼ਨ ਦਫਤਰ ਚੰਡੀਗੜ੍ਹ ਅਤੇ ਮਾਣਯੋਗ ਡਿਪਟੀ ਕਮਿਸ਼ਨਰ ਮੋਗਾ ਨੂੰ ਸੌਂਪਣ ਆਦਿ ਸਖਤ ਫੈਸਲੇ ਕਰਨ ਲਈ ਮਜਬੂਰ ਹੋਣਾ ਪਵੇਗਾ। ਜਿਸ ਦੀ ਸਾਰੀ ਜ਼ਿੰਮੇਵਾਰੀ ਸੰਬਧਿਤ ਅਧਿਕਾਰੀਆਂ ਦੀ ਹੋਵੇਗੀ। ਪਿਛਲੇ ਦਿਨੀ ਜਿਲ੍ਹਾ ਪ੍ਰਸ਼ਾਸਨ ਮੋਗਾ ਦੇ ਗੈਰ ਮਨੁੱਖੀ ਅਜਿਹੇ ਹੀ ਵਤੀਰੇ ਕਰਕੇ ਦੋ ਅਧਿਆਪਕ ਸਾਥੀਆ ਨੂੰ ਬਲਾਕ ਸੰਮਤੀ ਚੋਣਾਂ ਸਮੇਂ ਆਪਣੀ ਜਾਨ ਗਵਾਉਣੀ ਪਈ ਹੈ । ਬਿਹਾਰ, ਰਾਜਸਥਾਨ ਤੇ ਯੂ.ਪੀ ਆਦਿ ਰਾਜਾਂ ਵਿੱਚ ਕਈ ਬੀ.ਐਲ.ਓਜ ਹੀ ਅਜਿਹੇ ਹਲਾਤਾ ਕਰਕੇ ਆਪਣੀ ਜਾਨ ਗਵਾਅ ਚੁੱਕੇ ਹਨ,ਜਿਹੋ ਜਿਹੇ ਹਲਾਤ ਧਰਮਕੋਟ ਹਲਕੇ ਵਿੱਚ ਬਣਾਏ ਜਾ ਰਹੇ ਹਨ। ਜਿਲ੍ਹਾ ਕਮੇਟੀ ਮੋਗਾ ਤੇ ਸਟੇਟ ਕਮੇਟੀ ਪੰਜਾਬ ਵੱਲੋਂ ਅੱਜ ਸਲਾਹ ਕਰਕੇਬ ਜਲਦ ਮੋਗੇ ਵਿਖੇ ਵੱਡੇ ਐਕਸ਼ਨ ਕਰਨ ਦਾ ਐਲਾਨ ਕੀਤਾ ਜਾਵੇਗਾ। ਇਸ ਸਮੇ ਬਲਾਕ ਪ੍ਰਧਾਨ ਗੋਬਿੰਦ ਸਿੰਘ ਬਾਘਾਪੁਰਾਣਾ,ਜਸਵਿੰਦਰ ਸਿੰਘ ਨਿਹਾਲਸਿੰਘਵਾਲਾ,ਬਲਵਿੰਦਰਪਾਲ ਸਿੰਘ ਮੋਗਾ, ਜਿਲ੍ਹਾ ਪ੍ਰਧਾਨ ਪਰਮਿੰਦਰ ਸਿੰਘ ਲੁਧਿਆਣਾ, ਸਰਬਜੀਤ ਸਿੰਘ ਸੈਨੀ ਗੁਰਦਾਸਪੁਰ,ਗੁਰਚਰਨ ਸਿੰਘ ਤਰਨ ਤਾਰਨ ਸਾਹਬ,ਪ੍ਰਵੇਸ਼ ਮਹਿਤਾ ਅੰਮ੍ਰਿਤਸਰ ਸਾਹਬ,ਪਰਮਿੰਦਰ ਸਿੰਘ ਢੀਡਸ਼ਾ ਸੰਗਰੂਰ ,ਸੰਦੀਪ ਸਿੰਘ ਜਲੰਧਰ,ਨਰੇਸ਼ ਕੁਮਾਰ ਫਾਜਿਲਕਾ,ਮਨਿੰਦਰ ਰਾਣਾ ਰੂਪਨਗਰ,ਸੁਖਵੀਰ ਸਿੰਘ ਫਤਿਹਗੜ ਸਾਹਬ ਸਮੇਤ ਸਮੂਹ ਸਟੇਟ,ਜਿਲ੍ਹਾ,ਬਲਾਕ ਆਗੂ ਆਲ ਇੰਡੀਆਂ ਇਕਾਈ ਪੰਜਾਬ ਹਾਜਰ ਸਨ।
