admin
ਕੋਟ ਈਸੇ ਖਾਂ, 28 ਅਪ੍ਰੈਲ (ਪ੍ਰਤੀਨਿਧ ਦੇਵ ਗਿੱਲ): ਕੋਟ ਈਸੇ ਖਾਂ ਇਲਾਕੇ ਵਿੱਚ ਉਸ ਵੇਲੇ ਗਹਿਰੇ ਦੁੱਖ ਅਤੇ ਸੋਗ ਦੀ ਲਹਿਰ ਦੌੜ ਗਈ, ਜਦੋਂ ਨੌਜਵਾਨ ਕੁਪਵਿੰਦਰ ਸਿੰਘ ਕਾਲਾ ਦਾ ਅਚਾਨਕ ਦਿਹਾਂਤ ਹੋ ਗਿਆ। ਮਰਹੂਮ ਕੁਪਵਿੰਦਰ ਸਿੰਘ, ਪਿਤਾ ਸ. ਕੁਲਵੰਤ ਸਿੰਘ ਦੇ ਸਪੁੱਤਰ ਅਤੇ ਚਾਚਾ ਭਾਓ ਲੱਖਾ ਦੇ ਭਤੀਜੇ ਸਨ। ਇਸ ਅਚਾਨਕ ਪਏ ਵਿਛੋੜੇ ਕਾਰਨ ਪਰਿਵਾਰਿਕ ਮੈਂਬਰਾਂ ਅਤੇ ਸਨੇਹੀਆਂ ਵਿੱਚ ਭਾਰੀ ਸੋਗ ਪਾਇਆ ਜਾ ਰਿਹਾ ਹੈ।
ਅੰਤਿਮ ਵਿਦਾਈ ਅਤੇ ਫੁੱਲ ਚੁੱਗਣ ਦੀ ਰਸਮ: ਮਰਹੂਮ ਦਾ ਅੰਤਿਮ ਸੰਸਕਾਰ ਕੋਟ ਈਸੇ ਖਾਂ ਵਿਖੇ ਕੀਤਾ ਗਿਆ, ਜਿੱਥੇ ਨਮ ਅੱਖਾਂ ਨਾਲ ਉਨ੍ਹਾਂ ਨੂੰ ਵਿਦਾਈ ਦਿੱਤੀ ਗਈ। ਅੱਜ ਰਿਵਾਜ ਅਨੁਸਾਰ ਮਰਹੂਮ ਦੇ ਫੁੱਲ ਚੁੱਗਣ ਦੀ ਰਸਮ ਵੀ ਅਦਾ ਕੀਤੀ ਗਈ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਇਲਾਕੇ ਦੀਆਂ ਸਿਆਸੀ, ਧਾਰਮਿਕ ਅਤੇ ਸਮਾਜਿਕ ਸ਼ਖ਼ਸੀਅਤਾਂ ਨੇ ਸ਼ਮੂਲੀਅਤ ਕੀਤੀ।
ਦੁੱਖ ਸਾਂਝਾ ਕਰਨ ਪਹੁੰਚੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ: ਪਰਿਵਾਰ ਨਾਲ ਹਮਦਰਦੀ ਪ੍ਰਗਟਾਉਣ ਲਈ ਕਈ ਮਾਣਯੋਗ ਵਿਅਕਤੀ ਪਹੁੰਚੇ, ਜਿਨ੍ਹਾਂ ਵਿੱਚ ਮੁੱਖ ਤੌਰ ‘ਤੇ:
- ਡਾਕਟਰ ਬੀਰ ਪ੍ਰਤਾਪ ਸਿੰਘ ਗਿੱਲ (ਸਾਬਕਾ ਡਿਪਟੀ ਡਾਇਰੈਕਟਰ ਡੇਅਰੀ)
- ਸ਼੍ਰੀ ਵਿਜੇ ਕੁਮਾਰ ਧੀਰ (ਸਾਬਕਾ ਚੇਅਰਮੈਨ ਮਾਰਕੀਟ ਕਮੇਟੀ, ਕੋਟ ਈਸੇ ਖਾਂ)
- ਡਾਕਟਰ ਰਾਜ ਦਵਿੰਦਰ ਸਿੰਘ ਗਿੱਲ (ਸਹਾਇਕ ਮਲੇਰੀਆ ਅਫਸਰ)
- ਬਾਬਾ ਸ਼ੇਰ ਸਿੰਘ ਜੀ (ਗੁਰਦੁਆਰਾ ਛਾਉਣੀ, ਕੋਟ ਈਸੇ ਖਾਂ)
- ਜਸਪਾਲ ਸਿੰਘ ਬਤਰਾ (ਪ੍ਰਧਾਨ ਮਨੁੱਖੀ ਅਧਿਕਾਰ ਸੰਸਥਾ)
- ਪ੍ਰਕਾਸ਼ ਸਿੰਘ ਰਾਜਪੂਤ (ਸਾਬਕਾ ਪ੍ਰਧਾਨ ਨਗਰ ਪੰਚਾਇਤ)
- ਗੋਪਾਲ ਸਿੰਘ (ਸਾਬਕਾ ਪ੍ਰਧਾਨ ਦਸਮੇਸ਼ ਸਟੇਡੀਅਮ)
- ਲਾਡੀ ਕਾਲੜਾ, ਮਾਸਟਰ ਕਿਰਪਾਲ ਸਿੰਘ, ਪਰਸ਼ੋਤਮ ਲਾਲ (ਸਾਬਕਾ ਮੈਂਬਰ ਪੰਚਾਇਤ), ਪੰਮਾ ਕਰਿਆਨੇ ਵਾਲਾ, ਅਰਨ ਸੀਕਰੀ ਅਤੇ ਵਿਜੇ ਭਾਊ ਸਮੇਤ ਹੋਰ ਕਈ ਪਤਵੰਤੇ ਸੱਜਣ ਸ਼ਾਮਿਲ ਸਨ।
ਹਾਜ਼ਰ ਸ਼ਖ਼ਸੀਅਤਾਂ ਨੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਦਿਆਂ ਅਕਾਲ ਪੁਰਖ ਅੱਗੇ ਅਰਦਾਸ ਕੀਤੀ ਕਿ ਵਿਛੜੀ ਰੂਹ ਨੂੰ ਆਪਣੇ ਚਰਨਾਂ ਵਿੱਚ ਨਿਵਾਸ ਬਖ਼ਸ਼ਣ ਅਤੇ ਪਿੱਛੇ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬਲ ਪ੍ਰਦਾਨ ਕਰਨ।
