admin
ਕੋਟ ਈਸੇ ਖਾਂ, 11 ਅਪ੍ਰੈਲ (ਪ੍ਰਤਿਨਿਧਿ ਦੇਵ ਗਿੱਲ) –
ਯਾਰਾਂ ਦਾ ਯਾਰ ਅਤੇ ਮਿਲਣਸਾਰ ਸੁਭਾਅ ਦੇ ਮਾਲਕ ਸਵ. ਹਰਪ੍ਰੀਤ ਸਿੰਘ “ਹੈਪੀ” ਜੀ ਦੀ ਆਤਮਿਕ ਸ਼ਾਂਤੀ ਲਈ ਵਿਸ਼ੇਸ਼ ਅਖੰਡ ਪਾਠ ਸਾਹਿਬ ਦਾ ਭੋਗ ਉਨ੍ਹਾਂ ਦੇ ਨਿਵਾਸ ਸਥਾਨ ‘ਤੇ ਅਦਾ ਕੀਤਾ ਗਿਆ। ਉਨ੍ਹਾਂ ਦੇ ਅਚਾਨਕ ਵਿਛੋੜੇ ਨਾਲ ਇਲਾਕੇ ਵਿੱਚ ਡੂੰਘਾ ਦੁੱਖ ਛਾਇਆ ਹੋਇਆ ਹੈ ਅਤੇ ਹਰ ਇੱਕ ਦੀਆਂ ਅੱਖਾਂ ਨਮ ਨਜ਼ਰ ਆਈਆਂ।
ਹਰਪ੍ਰੀਤ ਸਿੰਘ “ਹੈਪੀ” ਆਪਣੇ ਨਿਮਰ ਸੁਭਾਅ, ਸੱਚੇ ਦਿਲ ਅਤੇ ਦੋਸਤਾਨਾ ਵਿਵਹਾਰ ਲਈ ਜਾਣੇ ਜਾਂਦੇ ਸਨ। ਉਹ ਹਮੇਸ਼ਾ ਲੋੜਵੰਦਾਂ ਦੀ ਮਦਦ ਲਈ ਅੱਗੇ ਰਹਿੰਦੇ ਸਨ ਅਤੇ ਆਪਣੇ ਯਾਰ-ਮਿੱਤਰਾਂ ਵਿੱਚ ਖਾਸ ਮਕਾਮ ਰੱਖਦੇ ਸਨ। ਉਨ੍ਹਾਂ ਦੀ ਹੱਸਮੁੱਖ ਪ੍ਰਕਿਰਤੀ ਅਤੇ ਮਿਲਣਸਾਰਤਾ ਕਰਕੇ ਉਹ ਹਰ ਕਿਸੇ ਦੇ ਦਿਲ ਵਿੱਚ ਵੱਸਦੇ ਸਨ।
ਇਸ ਉਪਰੰਤ ਗੁਰਦੁਆਰਾ ਕਲਗੀਧਰ ਸਾਹਿਬ, ਮਸੀਤਾ ਰੋਡ ਵਿਖੇ ਕੀਰਤਨ ਸਮਾਗਮ ਕਰਵਾਇਆ ਗਿਆ, ਜਿਸ ਵਿੱਚ ਭਾਈ ਬਾਜ਼ ਸਿੰਘ ਹਜ਼ੂਰੀ ਰਾਗੀ ਦੇ ਜਥੇ ਵੱਲੋਂ ਰਸਭਿੰਨਾ ਕੀਰਤਨ ਕਰਕੇ ਸੰਗਤਾਂ ਨੂੰ ਗੁਰੂ ਚਰਨਾਂ ਨਾਲ ਜੋੜਿਆ ਗਿਆ।
ਇਸ ਮੌਕੇ ਹਾਜ਼ਰੀਨ ਵਿੱਚ ਅਰਸ਼ਜੋਤ ਸਿੰਘ ਸੇਖੋਂ (ਕਾਂਗਰਸੀ ਆਗੂ), ਭਾਈ ਕ੍ਰਿਸ਼ਨ ਸਿੰਘ ਖਾਲਸਾ, ਬੀਰ ਪ੍ਰਤਾਪ ਸਿੰਘ ਗਿੱਲ, ਡਾ. ਰਾਜਦੇਵਿੰਦਰ ਸਿੰਘ ਗਿੱਲ, ਕਪਿਲ ਮਹਤਾ (ਆਪ ਹਲਕਾ ਚੇਅਰਮੈਨ ਵਪਾਰ ਸੈੱਲ), ਸਲਵਿੰਦਰ ਸਿੰਘ ਸਦੇਓਰਾ (ਪ੍ਰਧਾਨ ਸਵਰਨਕਾਰ ਸੰਘ), ਬਲਜੀਤ ਸਿੰਘ (ਅਕਾਲੀ ਆਗੂ), ਅਮਨ ਗਾਬਾ (ਅਕਾਲੀ ਆਗੂ), ਐਮ.ਸੀ. ਸੁੱਚਾ ਸਿੰਘ ਪੁਰਬਾ ਅਤੇ ਗੁਰਪ੍ਰੀਤ ਸਿੰਘ ਘਲੋਟੀ ਆਦਿ ਸ਼ਾਮਲ ਸਨ।
ਇਸ ਤੋਂ ਇਲਾਵਾ ਸੁਰਜੀਤ ਸਿੰਘ ਸਦੇਓਰਾ, ਮਨੀ ਛੱਬਰਾ, ਹਰਜੀਤ ਸਿੰਘ ਭੋਲਾ, ਡਾ. ਇੰਦਰਜੀਤ ਟੱਕਰ, ਪਰਮਜੀਤ ਪੰਮਾ, ਪਵਨ ਕੁਮਾਰ (ਮੈਡੀਕਲ ਵਾਲੇ), ਹੀਰਾ ਅਰੋੜਾ, ਲਖਵਿੰਦਰ ਅਰੋੜਾ ਅਤੇ ਗੁਰਪ੍ਰੀਤ ਦੌਲੇਵਾਲਾ ਵੀ ਹਾਜ਼ਰ ਰਹੇ।
ਹੋਰ ਹਾਜ਼ਰੀਨਾਂ ਵਿੱਚ ਹਰਮੇਸ਼ ਸਿੰਘ ਮੇਸ਼ਾ, ਡਾ. ਜਸਪਾਲ ਸਿੰਘ ਸੰਧੂ, ਸੋਨੂ ਬਾਵਾ ਅਤੇ ਡਾ. ਬੀਰ ਪ੍ਰਤਾਪ ਸਿੰਘ (ਡਿਪਟੀ ਡਾਇਰੈਕਟਰ ਡੇਅਰੀ) ਵੀ ਸ਼ਾਮਲ ਸਨ, ਜਿਨ੍ਹਾਂ ਨੇ ਪਰਿਵਾਰ ਨਾਲ ਡੂੰਘੀ ਸੰਵੇਦਨਾ ਪ੍ਰਗਟ ਕੀਤੀ।
ਸਾਰੇ ਹਾਜ਼ਰੀਨਾਂ ਨੇ ਸਵ. ਹਰਪ੍ਰੀਤ ਸਿੰਘ “ਹੈਪੀ” ਜੀ ਨੂੰ ਭਾਵੁਕ ਸ਼ਰਧਾਂਜਲੀ ਭੇਟ ਕਰਦਿਆਂ ਕਿਹਾ ਕਿ ਉਹ ਆਪਣੇ ਚੰਗੇ ਚਲਣ ਅਤੇ ਨਿਮਰ ਸੁਭਾਅ ਕਰਕੇ ਸਦਾ ਯਾਦ ਰਹਿਣਗੇ।
ਅੰਤ ਵਿੱਚ ਅਰਦਾਸ ਕਰਕੇ ਪਰਮਾਤਮਾ ਅੱਗੇ ਬੇਨਤੀ ਕੀਤੀ ਗਈ ਕਿ ਵਿਛੜੀ ਰੂਹ ਨੂੰ ਆਪਣੇ ਚਰਨਾਂ ਵਿੱਚ ਨਿਵਾਸ ਬਖ਼ਸ਼ੇ ਅਤੇ ਪਰਿਵਾਰ ਨੂੰ ਇਹ ਅਪਾਰ ਦੁੱਖ ਸਹਿਣ ਦੀ ਤਾਕਤ ਦੇਵੇ। ਪਰਿਵਾਰ ਵੱਲੋਂ ਇਸ ਦੁੱਖ ਦੀ ਘੜੀ ਵਿੱਚ ਸਾਥ ਦੇਣ ਵਾਲੇ ਸਾਰੇ ਸੱਜਣਾਂ ਦਾ ਧੰਨਵਾਦ ਕੀਤਾ ਗਿਆ।
