admin
ਮਸਤੇਵਾਲਾ, 21 ਮਾਰਚ (ਪ੍ਰਤੀਨਿਧ ਡਾ. ਰਾਜ ਦਵਿੰਦਰ ਸਿੰਘ ਗਿੱਲ) , 21/3/2026: ਪਿੰਡ ਮਸਤੇਵਾਲਾ ਦੇ ਮਾਣਯੋਗ ਸਰਪੰਚ ਮਲੂਕ ਸਿੰਘ ਜੋਧੂ ਦੇ ਪਰਿਵਾਰ ਉੱਤੇ ਦੁੱਖਾਂ ਦਾ ਪਹਾੜ ਟੁੱਟ ਪਿਆ ਜਦੋਂ ਉਨ੍ਹਾਂ ਦੀ ਭੈਣ ਅਮਰਜੀਤ ਕੌਰ ਦਾ ਦਿਹਾਂਤ ਹੋ ਗਿਆ। ਮਿਰਤਕ ਦੀ ਉਮਰ ਲਗਭਗ 62 ਸਾਲ ਸੀ।
ਅਮਰਜੀਤ ਕੌਰ, ਪਿਤਾ ਮਹਿਲ ਸਿੰਘ ਅਤੇ ਮਾਤਾ ਪਾਲ ਕੌਰ ਦੀ ਧੀ ਸਨ ਅਤੇ ਆਪਣੇ ਪਿੱਛੇ ਇੱਕ ਦੁਖੀ ਪਰਿਵਾਰ ਛੱਡ ਗਈਆਂ। ਉਨ੍ਹਾਂ ਦੇ ਅਚਾਨਕ ਦੇਹਾਂਤ ਨਾਲ ਇਲਾਕੇ ਵਿੱਚ ਵੀ ਗਹਿਰਾ ਸੋਗ ਛਾ ਗਿਆ ਹੈ।
ਮਿਰਤਕ ਦੇ ਭਰਾਵਾਂ ਵਿੱਚ ਮਲੂਕ ਸਿੰਘ (ਸਰਪੰਚ), ਬੂਟਾ ਸਿੰਘ ਅਤੇ ਅਨੂਪ ਸਿੰਘ ਸਮੇਤ ਸਾਰਾ ਪਰਿਵਾਰ ਗਮਗੀਨ ਹੈ। ਰਿਸ਼ਤੇਦਾਰਾਂ ਅਤੇ ਪਿੰਡ ਵਾਸੀਆਂ ਵੱਲੋਂ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ ਜਾ ਰਿਹਾ ਹੈ।
ਅੰਤਿਮ ਸੰਸਕਾਰ ਪਿੰਡ ਮਸਤੇਵਾਲਾ ਵਿੱਚ ਹੀ ਕਰ ਦਿੱਤਾ ਗਿਆ, ਜਿੱਥੇ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਹਾਜ਼ਰੀ ਲਗਵਾ ਕੇ ਸ਼ਰਧਾਂਜਲੀ ਭੇਟ ਕੀਤੀ।
ਪਿੰਡ ਦੇ ਮਾਣਯੋਗ ਵਿਅਕਤੀਆਂ ਅਤੇ ਇਲਾਕੇ ਦੇ ਨਿਵਾਸੀਆਂ ਵੱਲੋਂ ਮਿਰਤਕ ਦੀ ਆਤਮਾ ਦੀ ਸ਼ਾਂਤੀ ਲਈ ਅਰਦਾਸ ਕੀਤੀ ਗਈ ਅਤੇ ਪਰਿਵਾਰ ਨੂੰ ਹੌਸਲਾ ਦਿੱਤਾ ਗਿਆ।
ਇਸ ਦੁਖਦਾਈ ਘਟਨਾ ਨਾਲ ਪਿੰਡ ਮਸਤੇਵਾਲਾ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ ਅਤੇ ਹਰ ਅੱਖ ਨਮ ਨਜ਼ਰ ਆਈ।
